راجعت أكتر من 150 بورتفوليو لمصممين وموشن ديزاينرز ومونتيريه…
- Roni Obaid
- Jun 25
- 2 min read
🔥 راجعت أكتر من 150 بورتفوليو لمصممين وموشن ديزاينرز ومونتيريه…
والمفاجأة؟ بس 5 فعليًا كانوا بيعرفوا يقدّموا شغلهم صح!
الموهبة مهمة، بس إذا ما عرفت تعرضها بطريقة منظمة وواضحة… فصعب توصل للفرصة اللي بتستحقها.البورتفوليو مش أرشيف، هو إعلانك الشخصي – ولازم تعرف تشتغل عليه بذكاء!
🎯 هي أهم النصائح لتقوية بورتفوليوك الإبداعي:
1. ركّز وتخصص
لا تحط كل شي بمكان واحد!إذا عندك أكتر من مهارة (مثلاً تصميم + مونتاج + موشن)، اعمل بورتفوليو خاص لكل مجال، ومعه نسخة مختصرة "عامة" بتعطي نظرة شاملة عنك.
2. نظّم طريقة العرض
رتّب مشاريعك بشكل منطقي وواضح.خلّي المشاهد يعرف من وين يبلّش، وشو يشوف، وكيف يتنقّل.أول 3 ثواني ممكن تحدد إذا صاحب الشغل رح يكمل يشوف ولا لأ.
3. Behance = ضرورة
وجودك على منصات احترافية مثل Behance أو Dribbble بيضيف مصداقية لأعمالك،وبيفتح أبواب شغل وتعاون مع ناس من كل العالم.اعتمد على منصة واحدة واضحة، وحدثها باستمرار.
4. روابط فعالة دائمًا
تأكّد إن كل الروابط شغالة، الفيديوهات بتشتغل، والملفات بتم فتحها بدون مشاكل.رابط خربان = انطباع سيء مباشر!
5. لا تخلط الشغل القديم بالجديد!
الزائر ما لازم يشوف أعمالك من سنة 2015 جنب مشاريعك المتطورة الحالية.إما ترتّبهم زمنياً، أو تحذف القديم يلي ما عاد يعكس مستواك اليوم.
6. وضح دورك بكل مشروع
إذا اشتغلت ضمن فريق، لازم تشرح بدقة:هل كنت مسؤول عن التصميم فقط؟ المونتاج؟ الإخراج؟الوضوح بيريّح صاحب العمل وبيعكس احترافك.
💡 تذكّر:
البورتفوليو هو عرضك البصري… هو طريقتك لتقول:"هيك أنا بشتغل – وهيك بقدر أضيف لقيمتك."
فلتر أعمالك، ركّز على نقاط قوّتك، ونظّم محتواك كأنك بتصمّم إعلان لحالك.
📢 إذا بتعرف حدا عم يشتغل على بورتفوليو جديد، شارك معه هالنصايح وخليه يبلّش يطوّر عرضه الإبداعي من اليوم! ✨👇
Comments