كتاب غيّر طريقة تفكيري بالكامل: Building a Second Brain
- Roni Obaid
- Jun 25
- 1 min read
📚 كتاب غيّر طريقة تفكيري بالكامل: Building a Second Brain
هل فكرت تعمل "مخ رقمي" يساعدك تحفظ كل أفكارك؟ 🧠📲
دافنشي كان يمشي بدفتر أفكاره، وأنا اليوم عندي "عقل تاني" مبني على تطبيقات بتساعدني أحتفظ بكل فكرة، خاطر، أو ملاحظة بتخطرلي…والسبب؟ كتاب واحد:Building a Second Brain للكاتب Tiago Forte.
💡 شو الفكرة من "العقل الثاني"؟
الفكرة بسيطة وعبقرية بنفس الوقت:بدل ما تعصر دماغك كل مرة بدك تتذكّر فكرة أو تكتب محتوى… خزّن كل شي بمكان واحد، وارجعله وقت ما تحتاج!
تماماً مثل ما الكومبيوتر عنده هارد درايف… ليش إحنا ما نعمل نظام تخزين لأفكارنا؟
🛠️ شو بستخدم لهالشي؟
Zoho Notebook: لحفظ الملاحظات بصرياً وتنظيمها حسب الأفكار
TickTick: لإدارة المهام اليومية وربطها بالأفكار
وعم طوّر نظام خاص فيني يجمع بين الأفكار، المراجع، الملاحظات، والتطبيق العملي.
🎯 ليش الكتاب مهم لكل شخص مبدع؟
إذا كنت مصمم، صانع محتوى، كاتب، مبرمج أو حتى طالب…
إذا بتحس دايمًا إنو في أفكار عم تطير منك أو مشاريع عم تتبعثر
إذا بدك ترفع إنتاجيتك بدون ضغط
فهاد الكتاب أداة ذهنية حقيقية رح تغيّر طريقة تعاملك مع الإبداع والتركيز والتنظيم.
🔥 تجربتي الشخصية:
من بعد قراءة الكتاب، ما عاد في شي بيضيع!صرت بعرف تمامًا وين أدوّن كل فكرة، وكيف أرجع إلها، وكيف أربطها بمشروع واقعي.صارت الأفكار رصيد يومي بدل ما تكون لحظة وبتطير.
📌 بنصح أي شخص بيشتغل بشي إبداعي يقرأه…وإذا جربت شي مشابه؟ أو عندك نظامك الخاص لحفظ الأفكار؟شارك تجربتك معي بالتعليقات👇
Comments