موقع بخليك تتحكم باتجاهات الوجه بأي صورة وتتكم بالملامح

Roni Obaid
Jun 24
1 min read

موقع بيخليك تتحكم باتجاهات الوجه بكل صورة! 😲🧠

أداة رائعة للرسامين، المصورين، والمصممين

اليوم رح نحكي عن موقع فعلياً بيحسّك إنك عم تتحكم بوجه الشخص وكأنك مخرج إضاءة أو مصمم 3D!الموقع اسمه FacePoke، وبيعتمد على الذكاء الاصطناعي ليعطيك إمكانية تتحكم بزاوية الرأس وملامح الوجه لأي صورة بكل سهولة.

🧠 شو هو موقع FacePoke؟

موقع مجاني موجود على منصة HuggingFace، اسمه الكامل:👉 https://huggingface.co/spaces/jbilcke-hf/FacePoke

الموقع بيتيح لك تحمّل أي صورة وجه، وتبدأ تتحكم باتجاه الرأس (يمين، يسار، فوق، تحت) وبتفاصيل الملامح (العيون، الحواجب، الفم...) بطريقة تفاعلية وسريعة!

✨ كيف ممكن يفيدك كمصمم أو رسام؟

إذا كنت رسّام شخصيات (Character Artist): فيك تولّد زوايا متعددة للوجه الواحد لتساعدك بالرسم اليدوي أو الرقمي.
إذا كنت مصوّر أو محرر صور: بتقدر تعدّل وضعيات الوجه بالموديلات بدون ما ترجع تصور جلسة جديدة.
إذا كنت مصمم جرافيك: ممكن تستخدم النتائج لعمل بوسترات واقعية، أو مشاريع تحريك (موشن) فيها تنويع تعبيري بالوجوه.
وممكن يكون أداة تدريب رائعة لفهم بنية الرأس وتغيّرها بالزوايا المختلفة.