تطور توليد الصور بالذكاء الاصطناعي
- Roni Obaid
- Sep 24
- 1 min read
خلال السنتين الأخيرتين، صار الذكاء الاصطناعي من أبرز المجالات اللي غيّرت شكل التصميم والإبداع.
توليد الصور بالذكاء الاصطناعي انتقل من مجرد فكرة تجريبية إلى أدوات متقدمة قادرة تعطي صور بجودة عالية جداً، لدرجة بتنافس شغل المصممين أحياناً.بدايةً كانت المواقع تعطيك عدد محدود من المحاولات المجانية، لكن مع ازدياد الطلب وصعوبة تشغيل السيرفرات، أغلب المنصات الشهيرة اليوم صارت مدفوعة أو بتفرض قيود مثل عدد الصور اليومي أو إلزامك تسجل دخول.
المستخدم العادي صار محتار: يا إما يدفع اشتراكات شهرية غالية، يا إما يدوّر على بدائل مجانية حتى يجرب ويتعلم. وهون بيجي دور المواقع البسيطة اللي بتعطيك خدمة سريعة ومباشرة بدون تعقيد.
🔹 الموقع اللي خبرتك عنه بالفيديو
بهذا الفيديو شاركت موقع مميز جداً اسمه:👉 http://perchance.org/ai-text-to-image-generator
الموقع بيعطيك ميزة توليد الصور بشكل غير محدود وبدون ما تحتاج تعمل تسجيل دخول.كل اللي عليك تكتب برومبت بسيط (وصف للصورة اللي ببالك)، تختار الستايل، تحدد الأبعاد وعدد الصور اللي بدك ياها، وبعدها تضغط "Generate".خلال ثواني بتشوف النتائج، واللي فعلاً بتتفاجأ بجودتها مقارنة ببساطة الموقع.
الموقع مجاني، سهل، والنتائج بصراحة رائعة 👌وهذا الشيء بيفتح باب جديد لأي مصمم، طالب، أو حتى شخص حابب يجرب قوة الذكاء الاصطناعي بمجال الصور بدون ما يلتزم باشتراكات مدفوعة.
🔹 الخلاصةإذا كنت مهتم بمجال التصميم أو بس بدك تستمتع وتشوف كيف ممكن الذكاء الاصطناعي يولد صور من خيالك، جرب الموقع بنفسك.وإذا كنت على إنستغرام، اتركلي أي كلمة بالتعليقات وببعتلك الرابط. ولا تنسى تتابعني لتتعرف على أحدث المواقع والتقنيات.
Comments