اصنع محتوى فيديو احترافي بدون ما تطلع قدام الكاميرا!
- Roni Obaid
- Aug 25
- 2 min read
اصنع محتوى فيديو احترافي بدون ما تطلع قدام الكاميرا!
كتير ناس عندها شغف بصناعة المحتوى، بس بنفس الوقت في حاجز بيوقف بوجههم: رهبة الكاميرا 🎥. مو الكل بيحب يوقف قدام عدسة الكاميرا أو يبين بصورته وصوته. هون بيجي دور موقع hedra.com
الموقع بيوفرلك أداة مجانية بتخليك تحوّل أي صورة عادية لفيديو متحرك بصوتك أو بالنص اللي بتكتبه – وبأي لغة بدك. حتى اللغة العربية مدعومة بشكل كامل، وهالشي بيخلي التجربة مناسبة كتير للمحتوى العربي.
كيف بيشتغل الموقع؟
أول خطوة بتدخل على الموقع وبتسجل حساب مجاني.
بعدين بتضغط على Try now لتدخل على واجهة الاستخدام.
من قسم Audio فيك تختار الطريقة اللي بدك تضيف فيها المحتوى:
ترفع صورة وتخليها تتحرك مع الصوت.
تسجّل صوتك مباشرة.
أو تكتب نص بأي لغة وبتخليه ينقرأ بصوت آلي.
بتختار الصورة اللي بدك ياها (ممكن تكون صورة شخصية، كرتون، أو أي صورة بتمثل محتواك).
فيك تعمل شوية تعديلات على الزوايا والإبعاد.
آخر شي بتضغط على Generate وخلال ثواني بيطلعلك الفيديو جاهز.
شو المميز بالموقع؟
بيعطيك 300 كريدت مجاني، وكل فيديو بيكلف تقريباً 20 كريدت، يعني فيك تعمل حوالي 15 فيديو ببلاش.
سهل الاستخدام وما بيحتاج خبرة بالتصميم أو المونتاج.
بيدعم اللغة العربية بشكل ممتاز.
مناسب للناس اللي بتحب تحافظ على خصوصيتها وما بدها تظهر أمام الكاميرا.
وين المشكلة؟
الموقع بنسخته المجانية بيحط علامة مائية على الفيديوهات. إذا بدك نسخة أنظف من دون ووتارمارك، لازم تشترك بالباقة المدفوعة.
ليش مهم لأي صانع محتوى؟
لأن الفكرة مو بس بإنك تظهر، الفكرة بالمحتوى نفسه! إذا عندك فكرة أو رسالة أو حتى بدك تسوّق لمنتج، هالأداة بتخليك توصل صوتك وصورتك الإبداعية بطريقة بسيطة.
سواء كنت مدوّن، مدرّب، صاحب بزنس صغير، أو حتى حابب تبلش صناعة محتوى للتسلية، Hedra ممكن يكون نقطة انطلاق قوية لإلك.
Comments