اذا خبرك العميل أنو سعرك غالي… ابعتله هاد الفيديو!
- Roni Obaid
- Jun 25
- 1 min read
"سعرك غالي!"
إذا سمعت هالجملة من عميل… ابعتله هالفيديو أو المقال وخلّيه يعرف الحقيقة! 👇
كلمة "غالي" ما لازم تنقال قبل ما نفهم شو عم يدفع المصمم أو أي صاحب مهنة مكتبية قبل ما يبلّش يشتغل!
💡 شو بيدفع المصمم حتى يقدر يقدملك شغل احترافي؟
✅ اشتراكات شهرية غالية مثل Adobe Creative Cloud – فوتوشوب، أفتر إفكت، إلستريتر… وكل وحدة إلها اشتراك!✅ مواقع داعمة مثل Freepik، Midjourney، Envato Elements، لأن الإبداع بيحتاج أدوات✅ جهاز كمبيوتر خارق، لأن البرامج التقيلة بتنسف الأجهزة العادية✅ شاشة احترافية (بتكلف أكتر من لابتوب كامل!) مشان تكون دقة الألوان 100%✅ سنين من الخبرة والتعلّم – كورسات، تدريب، مشاريع، تجارب… ما بيجي هالمستوى بيوم وليلة✅ فواتير شهرية: كهربا، إنترنت، وحتى أدوية لآلام الظهر، الرقبة، والمعصم من كتر الجلوس والتصميم 😅
🎯 التصميم مو هواية… هو مهنة كاملة!
وراء كل تصميم عم تشوفه، في عشرات الساعات من التعلّم والتجربة والخبرة.وفي استثمار شهري وسنوي ضخم… مشان يقدر يعطيك نتيجة تشرفك قدام الناس.
👩💻 وهالكلام ما بينطبق بس على المصممين:
نفس الشي لكل شخص بيشتغل من اللابتوب:المونتير، الكاتبة، المحلل، المبرمج، صانع المحتوى… كل حدا ورا شاشته عم يصرف من وقته وماله وخبرته مشان يقدم شي احترافي.
📌 قبل ما تقول: "غالي"، فكّر بكل هالتفاصيل يلي مو ظاهرة على الفاتورة… بس إلها تمن!
Comments